Баррасии масоили муҳоҷират дар ВАО

Душанбе, 24 сентябр. (АМИТ «Ховар», Л. Қосимова).- Рӯзи 27-уми сентябри соли равон дар толори Иттифоқи журналистони Тоҷикистон таҳти унвони «Муҳоҷират ва ВАО» мизи гирд баргузор мегардад. Дар он иштироки васеи намояндагони Васоити ахбори оммаи дохиливу хориҷӣ, намояндагони Хадамоти муҳоҷирати назди Ҳукумати Ҷумҳурии Тоҷикистон, ҷамъиятҳои муқими Тоҷикистон дар Федератсияи Русия дар назар аст. Дар доираи мизи гирд иштирокчиён масъалаву мушкилоти вобаста ба муҳоҷиратро баррасӣ хоҳанд кард. Инчунин дар доираи мизи гирд 35-солагии фаъолияти эҷодии журналист, муаллифи китоби «Тоҷикон дар Русия» Талабшои Холиқзод баргузор хоҳад гашт. Дар ин бора ба АМИТ «Ховар» аз шуъбаи робита бо ҷомеаи Хадамоти муҳоҷират иттилоъ доданд.