Дастгир шудани гуруҳи нашъаҷаллоб

Душанбе, 11 сентябр. (АМИТ «Ховар», Л. Қосимова). — Ҳангоми гузаронидани чорабиниҳои фаврӣ-ҷустуҷӯӣ, аз ҷониби кормандони ШВКД дар шаҳри Кӯлоб, сокинони шаҳри Кӯлоб Боронов Фозил, Собиров Тешахон, Лиқоев Гурез ва Сафаралиев Садриддин, сокини ноҳияи Шӯрообод бо гумони даст доштан ба гардиши ғайриқонунии маводи мухаддир дастгир шуданд. Дар вақти азназаргузаронии мошини тамғаи «Дейво-Сиело», ки ба шаҳрванд Собиров Т. тааллуқ дошт, маводи нашъадори навъи бангдона ба миқдори 7 кг 500 грамм ва 4 кг маводи нашъадори афюн дарёфт ва мусодира шуд. Аз рӯи ин ҳодиса парвандаи ҷиноӣ оғоз гардида, тафтиш идома дорад. Дар ин бора ба АМИТ «Ховар» аз ВКД ҶТ хабар доданд.