Фоидаи Тоҷикистон аз воридшавӣ ба СУС

 
Душанбе,  3  сентябр. (АМИТ «Ховар»). – Имрӯз,  3  сентябр,  намояндагони  бахши  энергетикии  Тоҷикистон  барои  иштирок  дар  баррасии   барномаи таълимӣ  дар  Маркази   байналмилалии  савдо ҷамъ омада,  усулҳои фоида  аз  воридшавӣ   ба Созмони  умумиҷаҳонии  савдоро  мавриди  муҳокима  қарор  медиҳанд.
 
Тавре  ки  аз  Маркази  байналмилалии  савдо   хабар  доданд,  иштирокдорони   ин  чорабинӣ  бо  қоидаҳои  Созмони  умумиҷаҳонии  савдо  ва  ӯҳдадориҳои  Тоҷикистон  дар  мавриди  хидматрасонӣ  дар  бахши  энергетика  шинос  мешаванд.
 
Дар  ҷараёни  чорабинӣ  ба  масоили  дастрасии  Ҷумҳурии  Тоҷикистон   ба  бозори ҷаҳонӣ ва  ӯҳдадориҳои  он  таваҷҷӯҳи  хоса зоҳир  мегардад. Дар  робита бо  ин,  иштирокдорони  чорабинӣ  ба  ӯҳдадориҳои  Тоҷикистон аз  рӯи  масоили  энергетикӣ  мусоидат  менамоянд.