Иштирок дар машқҳои «ГРОМ-2013»
Душанбе, 20 сентябр. (АМИТ «Ховар», Л. Қосимова). — 20 сентябри соли 2013 дар Ҷумҳурии Қирғизистон машқҳои махсуси маҷмӯии байналмилалии қисмҳои мақомот ва хадамотҳои зиддимухаддиротӣ, қӯшунҳои дохилӣ, мақомоти корҳои дохилӣ дар ҳайати қувваҳои таъйиноти махсуси Қувваҳои муттаҳидаи СААД «ГРОМ-2013» баргузор мегарданд.Дар машқҳо қисми таъйиноти махсуси Агентии назорати маводи нашъаовари назди Президенти ҶТ, Хадамоти давлатии назорати маводи нашъаовари назди Ҳукумати Ҷумҳурии Қирғизистон, кормандони СОБР ва хизматчиёни ҳарбии қӯшунҳои дохилии ВКД Қирғизистон ва инчунин намояндагони ХФНМН Русия иштирок меварзанд.Дар доираи машқҳо гузаронидани амалиёти муштарак бар муқобили гуруҳҳои муташаккили ҷиноӣ, ки даст бар муомилоти ғайриқонунии маводи нашъаовар задаанд, ба нақша гирифта шудаанд.Тавре ки аз дафтари матбуоти Агентии назорати маводи нашъаовари назди Президенти ҶТ ба АМИТ «Ховар» хабар доданд, ин машқҳо имкон медиҳанд, ки роҳҳои нави мубориза бо қочоқи маводи нашъаоварро дар ҳудуди давлатҳои СААД бо назардошти он ки соли 2014 қувваҳои ҳарбии байналмилалӣ аз хоки Афғонистон бароварда мешаванд, такмил дода шаванд.
9 феврал дар якчанд идораю корхона нишасти матбуотӣ баргузор мегардад
Оид ба тағйирёбии иқлим ва стратегияҳои мутобиқшавӣ дар Осиёи Марказӣ конференсияи байналмилалӣ доир мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд
