Конфронси иқтисоддонони Кӯлоб

Душанбе, 12 сентябр. (АМИТ «Ховар»). – Маркази бозори озоди Тоҷикистон зимни ҳамкорӣ ва бо дастгирии молиявии Бунёди Фридрих Науманн, ҳамчунин бо иштироки Созмони ҷамъиятии «Калиди дониш» 15 сентябр дар шаҳри Кӯлоб бори нахуст бахшида ба мавзӯи савдои ҷаҳонӣ конфронси озодии иқтисодиро доир менамояд. Тавре ки аз Маркази бозори озоди Тоҷикистон хабар доданд, дар конфронс мавзӯҳои «Савдои озод», «Маблағгузорӣ ва рушди иқтисодиёт», ҳамчунин масъалаи мубрами «Иқтисодиёти Тоҷикистон дар ҳошияи воридшавӣ ба Созмони умумиҷаҳонии савдо» мавриди муҳокима қарор мегиранд.Мақсади асосии ташкили чунин чорабиниҳо рушди интеллектуалии ҷавонони фаъол мебошад.