Мубодилаи таҷрибаи кормандони хадамоти маҳбас

Душанбе, 16 сентябр. (АМИТ «Ховар»). – 16 ва 17 сентябр дар шаҳри Душанбе тренинги кормандони хадамоти маҳбас дар мавзӯи «Рӯи кор овардани ҳабси якумра ҳамчун воҳиди асосии ҳукми қатл дар Тоҷикистон» баргузор мешавад. Тавре ки аз намояндагии Иттиҳоди Аврупо дар Тоҷикистон хабар доданд, тренинг бо ибтикори намояндагии Penal Reform International (PRI) (Ренал Рефом Интенейшнл) дар Осиёи Марказӣ бо дастгирии молиявии Иттиҳоди Аврупо ва Вазорати рушди байналмилалии Британияи Кабир баргузор мегардад. Мақсад аз лоиҳаи «Тадриҷан бекор намудани ҳукми қатл ва роҳандозии чорабиниҳои башардӯстона баъди ҷорӣ намудани манъи ҳукми қатл ё пурра бекор кардани он» иборат аз ҳифзи ҳуқуқҳои инсон бо роҳи тадриҷан аз байн бурдани ҳукми қатл ва рӯи кор овардани тадбирҳои башардӯстона дар чор минтақаи ҷаҳон аст. Иттиҳоди Аврупо барои татбиқи лоиҳаи мазкур дар Осиёи Марказӣ 161 ҳазору 370 евро ҷудо кардааст.