Ошкор намудани ҳолати ғайриқонунии интиқоли маводи нашъадор

Душанбе, 17 сентябр. (АМИТ «Ховар», Фарзона Ашӯрмадова).- Кормандони Раёсати гумруки «Фурудгоҳи байналмилалии Душанбе» боз як ҳолати ғайриқонунии интиқоли маводи нашъадорро дар хатсайри Душанбе-Маскав ошкор намуданд.Тавре ки дар ин бора аз Раёсати гумруки фурудгоҳ хабар доданд, ду шаҳрванди Тоҷикистон зимни азназаргузаронии гумрукӣ аз хатсайри Душанбе-Маскав дар интиқоли маводи нашъаовар гумонбар дониста шуда, аз сафар боз дошта шуданд. Барои халал нарасонидани тафтишоти пешакӣ ном ва маводи дарёфтшуда ошкор карда намешавад.Ёдрас мешавем, ки аз аввали соли равон кормандони Раёсати гумруки «Фурудгоҳи байналмилалии Душанбе» зиёда аз 20 ҳолати ғайриқонунии интиқоли маводи мухадирро ошкор кардаанд.