Вохӯрии кории Рамазон Раҳимов бо Сюзан Эллиотт

Душанбе, 12 сентябр. (АМИТ «Ховар», Фарзона Ашӯрмадова).-Вазири корҳои дохилӣ генерал-лейтенанти милитсия Рамазон Раҳимов бо Сафири Иёлоти Муттаҳидаи Амрико дар Тоҷикистон Сюзан Эллиотт вохӯрии корӣ анҷом дод.Тавре ки дар ин бора сомонаи вазорат хабар медиҳад, ҷонибҳо зимни мулоқот масоили ҳамкориҳои минбаъдаи мутақобила бар зидди таҳдидҳои муосир, ки характери ҷаҳонӣ пайдо кардаанд, баррасӣ намуданд.Ба иттилои манбаъ, мусоҳибон аз амали террористии 11 сентябри соли 2001, ки дар шаҳри Ню-Йорки ИМА ба амал омада буд, ёдовар шуда, иброз доштанд, ки ин амал фоҷиаи тамоми ҷаҳон буд. Ҳамчунин ҷонибҳо зимни вохӯрӣ оид ба хатарҳо ва таҳдидҳо баъди баровардани нерӯҳои ТҲАШ (НАТО) аз Афғонистон ва тақвияти мубориза бар зидди терроризм, экстремизм ва маводи мухаддир ибрози андеша намуданд.