1016 метр роҳи марказии Ҳамадонӣ таъмир гардид

Ҳамадонӣ, 5 октябр. (АМИТ «Ховар», С. Холов).-Кормандони Корхонаи давлатии фаръии манзилию коммуналии ноҳияи Ҳамадонӣ ҳамарӯза бо ҷалби 50 нафар коргар ва ҳафт техникаи соҳавӣ миқдори зиёди партовҳоро аз қаламрави ноҳия берун мебароранд. Дар айни замон корхонаи мазкур бо 300 нафар сокинон ва 40 корхонаю ташкилот барои кашонидани партов шартнома бастааст. Соли ҷорӣ барои корхонаи давлатии фаръии манзилию коммуналӣ бинои наву замонавӣ сохта шуд.Ба гуфти роҳбари корхона мушкилоти асосии фаъолияти онҳо набудани техникаи муосири соҳавӣ мебошад ва бо дастрас гардидани чунин техникаҳо кори онҳо хеле осон мешавад. Аз ҷониби кормандони хоҷагии коммуналӣ бо маблағгузории ҳокимияти давлатии ноҳия 1016 метр роҳи марказӣ ва 210 метр роҳи пиёдагард таъмир шудааст.