Ҳамоиши илмӣ бахшида ба Рӯзи забон

Октябрь 3, 2013 09:45

Душанбе, 3 сентябр. (АМИТ «Ховар», Л. Қосимова). — 2 октябри соли равон дар Китобхонаи миллии Тоҷикистон ҳамоиши илмӣ бахшида ба Рӯзи забон таҳти унвони «Рушди забони миллӣ дар замони истиқлол» баргузор гардид.  Ҳамоишро раиси Кумитаи забон ва истилоҳоти назди Ҳукумати Ҷумҳурии Тоҷикистон Додихудо Саймиддинов ифтитоҳ намуд. Дар ҳамоиш инчунин профессор Сайфиддин Назарзода дар мавзӯи «Рушди забони тоҷикӣ дар давраи истиқлол», профессор Баҳриддин Камолиддинов дар мавзӯи «Истиқлолият ва забони миллӣ», доктори илмҳои филологӣ М.Султонов доир ба «Забони илм, таърих ва дурнамои он» маърӯза карданд. Дар фарҷом номзади илмҳои филологӣ М.Саломов бобати «Андешаҳо доир ба даврабандии инкишофи забони тоҷикӣ» маърӯза намуд.

Октябрь 3, 2013 09:45

Хабарҳои дигари ин бахш