Анҷоми татбиқи лоиҳаи панҷсолаи САҲА дар Тоҷикистон
Душанбе, 18 октябр. (АМИТ «Ховар»).-Дафтари САҲА дар Тоҷикистон татбиқи лоиҳаи панҷсоларо, ки мақсад аз он расонидани ёрӣ ба шуъбаи Хадамоти гумруки ноҳияи Мурғоби Вилояти Мухтори Куҳистони Бадахшон аст, анҷом дод. Тавре ки аз Дафтари САҲА дар Тоҷикистон хабар доданд, татбиқи лоиҳаи мазкур соли 2008 оғоз ёфта, мақсад аз он ба хидматчиёни давлатии ВМКБ ёд додани истифодаи воситаҳои техникии муосир ба манзури пайдо намудани моддаҳои кимиёвӣ буд. Дар ҳошияи лоиҳа беш аз 120 нафар кормандони гумруки Тоҷикистону Афғонистон, ки даҳ фоизи онҳоро занон ташкил медоданд, усулҳои пайдо намудани маводи нашъаовар ва таҳлили онро ёд гирифтанд. Ғайр аз ин шуъбаи Хадамоти гумруки ноҳияи Мурғоб бо таҷҳизоти махсус ва воситаҳои нақлиёт таъмин гардид. Бо хоҳиши Хадамоти гумруки Тоҷикистон моҳи октябри соли 2013 дар ҳошияи лоиҳаи мазкур терминали нави гумрук бунёд гардид. Лоиҳаи мазкур, ки барои татбиқи он қариб 1 миллион евро сарф шудааст, аз ҷониби ҳукуматҳои Ҷопон, Олмон, Белгия ва Норвегия маблағгузорӣ гардид.
Тоҷикистон ва Қазоқистон ҳамкориро дар доираи низоми ягонаи энергетикии Осиёи Марказӣ тақвият медиҳанд
Дар Тоҷикистон дар беш аз 800 гектар боғу токзори нав бунёд гардид
Имрӯз дар Тоҷикистон ҳавои абрнок пешгӯӣ мешавад
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
