Баргузории тадқиқоти сифатӣ дар шаҳру ноҳияҳои кишвар

Душанбе, 02 октябр (АМИТ «Ховар» Фотима Қувватова). – Мувофиқи Қарори Ҳукумати Ҷумҳурии Тоҷикистон Маркази тадқиқоти стратегии назди Президенти Ҷумҳурии Тоҷикистон дар нимаи дуюми соли ҷорӣ конфронси ҷумҳуриявии илмию амалии «Масъалаҳои ҳифз ва таҳкими амнияти иттилоотӣ дар раванди ҷаҳонишавӣ»-ро бо иштироки намояндагони тамоми минтақаҳои ҷумҳурӣ баргузор менамояд.  Дар доираи конфронси мазкур баргузор намудани тадқиқоти сифатӣ дар шаҳру ноҳияҳои кишвар дар назар гирифта шудааст. Мувофиқи Фармони раиси Маркази тадқиқоти стратегии назди Президенти Ҷумҳурии Тоҷикистон аз 15 –уми майи соли 2013 тадқиқот дар моҳҳои июн-сентбри соли равон дар шаҳру ноҳияҳои вилоятҳои Хатлону Суғд ва шаҳру ноҳияҳои ВМКБ гузаронида шуд. Дар назар аст, дар моҳи оянда чунин тадқиқот дар шаҳру ноҳияҳои тобеи ҷумҳурӣ ва шаҳри Душанбе баргузор шавад.