Бунёди осоишгоҳи «Чилдухтарон» дар Муъминобод

Муъминобод,12 октябр. (АМИТ «Ховар», С. Холов).-Ба иттилои  мудири бахши меъморӣ  ва шаҳрсозии  мақомоти иҷроияи ҳокимияти давлатии ноҳияи Муъминобод Сафаралӣ Назаров  корҳои сохтмонӣ дар ноҳия  нисбат ба ҳамин давраи соли гузашта ду баробар афзуда, иншоотҳои ба итмомрасида  бо  тамоми  тачҳизоти замонавӣ муҷаҳҳаз гардонида шудаанд. 
Дар ин давра беморхонаи марказӣ барои 210 кат, бинои маъмурии ҳифзи иҷтимоӣ,  шуғли аҳолӣ ва муҳоҷират, 3 адад бунгоҳи тиббӣ,корхонаи  мевахушккунӣ ва дигар корхонаҳои хурди саноатӣ  мавриди истифода қарор дода шуда,  дар айни ҳол  сохтмони 35 иншооти дигар бо суръат  идома дорад. Мувофиқи нақшаи дурнамо  бунёди осоишгоҳи «Чилдухтарон» ва якчанд иншооти хурду бузург дар ноҳия ба  нақша гирифта шудааст, ки дар оянда   ба истифода дода  мешаванд.