Дузди ноболиғ ба даст афтод

Душанбе, 29 октябр. (АМИТ «Ховар», Л. Қосимова). — Аз ҷониби кормандони шуъбаи Вазорати корҳои дохилии шаҳри Истаравшан зимни гузаронидани чорабиниҳои фаврию ҷустуҷӯӣ бо гумони даст доштан ба дуздӣ ноболиғ Ҳасанов Суҳроб Рустамович, соли таваллудаш 1996, сокини шаҳри Истаравшан дастгир карда шуд. Дастгиршуда 16 октябри соли 2013 бо тариқи пинҳонӣ вориди ҳавлии истиқоматии шаҳрванд Башорат Баротова, сокини шаҳри Истаравшан шуда, аз он ҷо 5500 сомонӣ, 4 адад телефони мобилии тамғаи «Нокия» ва ҷавоҳироти гуногуни тиллоиро ба маблағи 10 ҳазору 900 сомонӣ дуздида, аз ҷойи ҳодиса ғайб задааст. Далелҳои шайъӣ гирифта шуда, нисбат ба далели мазкур парвандаи ҷиноӣ оғоз гардида, тафтиш идома дорад.