Эълони рӯзи умумиҷаҳонии дастшӯйӣ аз ҷониби СММ

 
  Душанбе, 16 октябр. (АМИТ «Ховар», Руқияи Боймамад). —   Сандуқи кӯдакони Созмони Миллали Муттаҳид аз ин пас санаи 15-уми октябрро ба хотири ҳифзи саломатии кӯдакон рӯзи умумиҷаҳонии дастшӯйӣ эълон намудааст. Созмони миллали муттаҳид тасмим гирифтааст дар доираи баргузории рӯзи умумиҷаҳонии дастшӯйӣ муборизаи қатъиро баҳри риояи беҳдошт пеша кунад, ки дар он худи кӯдакон метавонанд бевосита ба ҳайси мубориз ширкат варзанд. Гуфта мешавад, барномаи мубориза ба хотири тозагӣ дар 60 кишвари рӯ ба рушди дунё, ки бештарашон дар қитъаи Осиёву Африқо ҷойгиранд, роҳандозӣ мешавад. Дар доираи барнома ба кӯдакон дар макотиби миёна доир ба  муҳимияти риояи  беҳдошт, бахусус, шустани даст семинарҳои омӯзишӣ гузаронида мешаванд. Коршиносони Созмони миллал хамчунин зикр кардаанд, ки дар кишварҳои қитъаи Осиёи Марказӣ, аз ҷумла Ҳиндустон, Бангладеш ва Афғонистон вазъи риояи беҳдошт дар ҳолати бад қарор дорад.
Тибқи маълумоти СММ ҳамарӯза дар ҷаҳон аз  ношустани даст 5 ҳазор кӯдак мефавтад.