Кӯмаки Президент ба ятимони вилояти Суғд
Душанбе, 14 октябр (АМИТ «Ховар»).-Дар Маркази истироҳатӣ ва солимгардонии кӯдаконаи Шоҳини шаҳри Қайроққум Президенти кишвар Эмомалӣ Раҳмон ба кӯдакону наврасони вилояти Суғд, ки аз падар ва ҳам модар ятим мондаанд, кумаки моддӣ расонд.
Тавре зикр гардид, ин кӯдакону наврасон, ки бо амри тақдир аз падар ва ҳам модар ятим мондаанд, барои мулоқот бо Сарвари давлат Эмомалӣ Раҳмон аз тамоми шаҳру ноҳияҳои вилояти Суғд ҷамъ омаданд.
Шумораи умимии ин дӯстрӯякон 700 нафар аст. Ба ҳар яки онҳо аз ҷониби Президенти кишвар Эмомалӣ Раҳмон кумаки яквақтаи моддӣ расонда шуд. Кумаки Президентӣ аз маҷмӯи пурраи сару либоси мактабӣ, варзишӣ, пойафзолу либосҳои болопӯши зимистона, як миқдор маблағи амонатӣ ва туҳфаҳои хотиравӣ иборат аст.
Кӯдакону наврасони ятим аз таваҷҷуҳи Сарвари давлат Эмомалӣ Раҳмон, суҳбати бевосита бо ӯ ва кумаки моддӣ хушҳолу сарфароз гардида, арзи сипос намуданд.
Тавре иттилоъ доданд, ин кӯдакону наврасон бо дастури Сарвари давлат Эмомалӣ Раҳмон як ҳафта аст, ки дар ин мавзеи хушобу ҳаво бо истироҳату солимгардонӣ фаро гирифта шудаанд.
Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.
Тоҷикистон ва Қазоқистон ҳамкориро дар доираи низоми ягонаи энергетикии Осиёи Марказӣ тақвият медиҳанд
Дар Тоҷикистон дар беш аз 800 гектар боғу токзори нав бунёд гардид
Имрӯз дар Тоҷикистон ҳавои абрнок пешгӯӣ мешавад
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
