Конгресси байналмилалии саноатчиёну соҳибкорон

Душанбе, 14 октябр. (АМИТ «Ховар»,  Кристина  Эрлих). – Охири  ҳафтаи  гузашта  дар  шаҳри  Маскав  ҷаласаи  даҳуми ҳамоиши  ҳисоботию  интихоботии Конгресси байналмилалии саноатчиёну  соҳибкорон  баргузор  гардида,  дар  он  аз  ҷониби  Ҷумҳурии  Тоҷикистон  раиси  Палатаи  савдо  ва  саноати  ҶТ  Шариф  Саид  ширкат  намуд. 
Дар  ҷаласа  ҳисоботи  Шӯрои Конгресс  ва  Комиссияи  назоратӣ  дар  давраи  солҳои  2009 —  2013,  интихоби  ҳайати  нави   мақомоти   роҳбарикунандаи  Конгресси  байналмилалӣ  мавриди баррасӣ  қарор  гирифта,   самтҳои  фаъолият  бо  назардошти  тамоюлҳои имрӯзаи  рушди  равобити  созмонҳои  ҷаҳонӣ, вазъи   равандҳои  ҳамгироӣ  дар  фазои  иқтисодии   АвруОсиё  ва  ғайра  муайян  карда шуданд.
Дар  ҷараёни  музокирот  масоили   ҳамкории   судманди  ҳайатҳои  соҳибкорон  дар  бахши  рушду  густариши  саноат  баррасӣ  шуданд.