Мулоқоти М.Муинова бо ҷавонони Колеҷи тарбияи ҷисмонӣ

Душанбе, 12 октябр. (АМИТ «Ховар», Фарзона Ашӯрмадова).- Бо мақсади баланд бардоштани маърифату сатҳи огоҳии насли наврас ва ҷавонон оид ба талаботу моҳияти   қонуни  Тоҷикистон  «Дар бораи масъулияти падару модар дар таълиму тарбияи фарзанд» ва дар замири насли ҷавон боло бурдани эҳсоси баланди миллӣ, худшиносиву ватандўстӣ ва эҳтиром ба арзишҳои миллӣ, дар Колеҷи тарбияи ҷисмонии Тоҷикситон муовини раиси Кумитаи  ҷавонон, варзиш ва сайёҳӣ Мавсума Муинова  бо муҳассилин ва донишҷуёни ин муассиса мулоқот анҷом додааст.
Тавре дар ин бора аз Кумитаи мазкур хабар доданд, дар ҷараёни мулоқот муовини раис аз муҳассилин даъват ба амал овард, то дар  пайи омўзиши насли наврас талош кунанд. Ба гуфтаи Муйнова маҳз  дар натиҷаи омўзиши ҷиддӣ инсон метавонад  ба мақсуд бирасад ва комёру муваффақ гардад. 
-Аз рўзи қабули Қонуни мазкур то имрўз муддате гузаштааст ва дар ин ҷода аз ҷониби масъулини сохторҳои давлативу ниҳодҳои  мухталифи ҷомеа корҳои зиёде ба сомон расонида шудаву ҳамеша ҷараён дорад, гуфт Мавсума Муинова зимни мулоқот бо ҷавонони Колеҷи тарбияи ҷисмонии Тоҷикистон.