Натиҷаи иҷрои Буҷети давлатӣ тайи 9 моҳ

Душанбе, 16 октябр. (АМИТ «Ховар»,  Кристина  Эрлих). – 14  октябр дар ҷаласаи ҳайати  мушовараи  Вазорати  молияи ҷумҳурӣ  натиҷаи  иҷрои  Буҷети  давлатии Ҷумҳурии  Тоҷикистон тайи  9  моҳи  соли  2013  ва  вазифаҳо  барои  семоҳаи  чоруми  соли  ҷорӣ  мавриди  муҳокима  қарор  гирифт. 
 
Мувофиқи  маълумоти  котиботи  Вазорати  молияи  ҶТ,  дар   ҷаласа   баробари  масъалаи   зикршуда мавзӯи  тасдиқи  як  қатор  ҳуҷҷатҳои  меъёрию  ҳуқуқӣ, ки  фаъолияти   судманди  Вазорати  молияи Ҷумҳурии  Тоҷикистонро  танзим  менамоянд,  ҳамчунин  риоя  ва  иҷрои Қонуни Ҷумҳурии  Тоҷикистон «Дар  бораи танзими расму  оин  дар Ҷумҳурии  Тоҷикистон»   дар   мақомоти  молиявии Ҷумҳурии  Тоҷикистон  низ муҳокима  шуд.
 
Муовини  аввали Вазири  молияи  Ҷумҳурии  Тоҷикистон Ҷ.Нуралиев натиҷаи ҳайати  ҷаласаро ҷамъбаст  намуда,  барои сари  вақт  ва  хушсифат  иҷро шудани Буҷети  давлатӣ  дар  семоҳаи  чорум  ва  умуман  дар  соли  2013  ба кормандони масъули  низоми Вазорати молияи  кишвар супоришҳои  мушаххас  дод.