Омодагии ҷамъияти тоҷикони Толятти ба интихоботи Президенти ҶТ

Душанбе, 3 октябр. (АМИТ «Ховар», Лутфия Эшонқулова).- Ҷамъияти маданӣ — автономии тоҷикони шаҳри Толяттии вилояти Самараи Федератсияи Русия «Ватан» барои интихоботи Президенти мамлакат омодагии ҳамаҷониба дида истодааст.Тавре ки дар суҳбат бо намояндагони Хадамоти муҳоҷирати назди Ҳукумати ҶТ , раиси Ҷамъияти тоҷикони шаҳри Толятти Шароф Азимов иброз дошт, дар айни замон як участкаи интихоботӣ ташкил карда шудааст. Зиёда аз ду ҳазор шаҳрванди ҷумҳурӣ, ки дар шаҳри Толятти ва ноҳияҳои атрофи он фаъолият менамоянд, таърихи 6 ноябри соли ҷорӣ муташаккилона омада, ба номзади муносиби худ овоз медиҳанд. Дар ин самт корҳо ҷараён доранд.Бояд тазаккур дод, ки Ҷамъияти маданӣ-автономии тоҷикони шаҳри Толятти 500 нафар аъзо дошта, ҳар як корманди масъули он бо корҳои омодагӣ машғуланд.