Талабот ба қарзҳои хурд бештар гаштааст

Душанбе, 9 октябр. (АМИТ «Ховар», Л. Қосимова). –   Мувофиқи маълумотҳои оморӣ бақияи умумии қарзҳо дар моҳи августи соли равон нисбат ба ҳамин давраи соли гузашта 40,5 фоиз зиёд мебошад. Таркиби бақияи қарзҳо аз 63,5 фоиз (4’370,4 млн. сомонӣ) қарзҳои кӯтоҳмуддат ва 36,5 фоиз (2’514,1 млн. сомонӣ) қарзҳои дарозмуддат иборат мебошад. 
     Фоизҳои миёнавазни қарзҳо дар ҳашт моҳи соли ҷорӣ бо пули миллӣ 23,98 фоиз ва бо асъори хориҷӣ 22,63 фоизи солонаро ташкил доданд.    
     Тавре ки аз хадамоти матбуоти  Бонки миллии Тоҷикистон  (БМТ) хабар доданд, чун моҳҳои пеш бинобар зиёд гардидани талабот, ҳаҷми қарзҳои хурд дар давраи ҳисоботӣ ба 3’ 035,9 млн. сомонӣ баробар шуд, ки нисбат ба ҳамин давраи соли гузашта 987,0 млн. сомонӣ ё 48,2 фоиз афзуд. Аз ҷумла, 601,1 млн. сомонӣ ба ноҳияҳои дурдасти куҳистон дода шудааст, ки нисбат ба ҳамин давраи соли қаблӣ 39,7 фоиз зиёд мебошад.