Ифтитоҳи бинои шуъбаи минтақавии ВКД ҶТ дар Хуҷанд
Хуҷанд, 21 ноябр. (АМИТ «Ховар», Зарангези Латиф).- Дирӯз раиси вилояти Суғд Қоҳир Расулзода бинои нави шуъбаи минтақавии мубориза зидди ҷиноятҳои муташаккили Раёсати мубориза зидди ҷиноятҳои муташаккил (РМЗҶМ0 –и Вазорати корҳои дохилӣ дар вилояти Суғдро мавриди истифода қарор дод. Раиси вилоят пас аз буридани лентаи рамзӣ аз дохили бино дидан карда, бо шароити корӣ шинос шуд. Бинои мазкур аз ду ошёна, 18 утоқи корӣ ва утоқҳои ёрирасон иборат буда, барои кормандон шароити мусоиди корӣ фароҳам оварда шудааст. Дар таҳхонаи бино як толори варзишӣ ва ошхона низ ҷойгир шудааст. Зикр гардид, ки бинои тозабунёд бо дастгирии мақомоти иҷроияи ҳокимияти давлатии вилоят ва шаҳри Хуҷанд, Раёсати мубориза зидди ҷиноятҳои муташаккил ва соҳибкорон сохта шудааст. Қоҳир Расулзода дар суҳбат бо кормандони шуъбаи минтақавии мубориза зидди ҷиноятҳои муташаккили РМЗҶМ –и Вазорати корҳои дохилӣ дар вилояти Суғд аз хизматҳои шоистаи онҳо бобати ҳифзи тартиботи ҷамъиятӣ ёдовар шуда, мавриди истифода қарор гирифтани бинои навро омили муҳим барои беҳбудии кор арзёбӣ кард. Раиси вилоят ба шуъбаи минтақавии мубориза зидди ҷиноятҳои муташаккил туҳфаҳои хотиравӣ тақдим намуд.
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
