Корҳои сохтмонӣ дар «Маркази барқу гармидиҳӣ-2»-и Душанбе

Душанбе, 14 ноябр. (АМИТ «Ховар», Фарзона Ашӯрмадова).-Дар майдони сохтмонии «Маркази барқу гармидиҳӣ-2»-и шаҳри Душанбе корҳои сохтмонӣ идома дошта, то имрўз дар корҳои сохтмонӣ 45000 метри мукааб бетон истифода шудааст.Тавре ки дар ин бора аз Вазорати энергетика ва саноати кишвар хабар доданд, дар айни замон сохтмони дегхонаи №1 ва лўлаи дудбарор бо баландии 120м ва иншооти обсардкунӣ (градирня) бо баландии 90 м пурра ба итмом расидааст.Гуфта мешавад, ки аз тарафи мутахассисони ширкати “ТВЕА” хати интиқоли барқи баландшиддати 220 кВ аз «Маркази барқу гармидиҳӣ-2» то зеристгоҳи “Душанбе-500 кВ” лоиҳакашӣ гардида, сохтмони он босуръат идома дорад.Ёдрас мешавем, ки “Маркази барқу гармидиҳӣ-2”-и шаҳри Душанбе 100 МВт иқтидор дошта, аз ду навбат 50 МВт иборат аст. Барои кори 1 дег дар як шабонарўз 744 тонна ангишт лозим аст.