Озмуни «Беҳтарин зани соҳибкор» дар Кӯлоб

Кӯлоб, 18 ноябр. (АМИТ «Ховар», Ф. Мадаминов).- Мутобиқи иттилои шуъбаи кор бо занон ва оилаи назди ҳукумати шаҳри Кӯлоб дар саросари минтақаи Кӯлоб озмуни «Беҳтарин зани соҳибкор» эълон гардид. Дар озмун занҳои аз 18 то 35- сола метавонанд ширкат варзанд. Чорабинии мазкур дар минтақаи Кӯлоб бо дастгирии кулли ҶСП ТАКА «Имон-интернейшел» ба расмият медарояд.Мақсад аз чорабинӣ ҷамъ намудани истедодҳои навтарин дар ин самти корӣ ва ҳавасманд намудани занон ба корҳои ҷамъиятиву сиёсӣ, инчунин баланд бардоштани савияву малакаи донишандӯзӣ дар самти фаолияти соҳибкорӣ мебошад. Дар озмун занон нақша-бизнеси худро ба комиссияи тадорукотӣ пешниҳод менамоянд. Дар робита ба ин беҳтарин нақша-бизнес дастгирӣ ва сармоягузорӣ мешавад.Озмуни мазкур моҳи январи соли 2014 дар шаҳри Душанбе бо иштироки вакилони мардумии Осиёи Марказӣ ва Афғонистон, инчунин соҳибкорону ташкилотҳои ҷамъиятии занон ҷамъбаст мешавад ва беҳтаринҳо бо ҷоизаҳо сарфароз гардонида мешаванд.