Шӯрообод: сифати хизматрасонии бонкӣ беҳтар гардидааст

Шӯрообод, 12 ноябр. (АМИТ «Ховар», С. Холов).- Филиали Ҷамъияти Саҳомии Кушодаи «Тоҷиксодиротбонк»-и  ноҳияи Шӯрообод  дар ҷамоатҳои дурдасти  Саричашма ва Даштиҷум  маркази хизматрасонии бонкиро ба роҳ монд, ки тавассути он кормандони соҳаи буҷавӣ ба воситаи корҳои пластикӣ сари вақт маоши худро дастрас карда метавонанд.  Ба иттилои директори филиали мазкур Қиматшо Содиқов  барои   дастрас кардани  маблағҳои интиқолӣ, маош ва нафақаи  кормандони соҳаи маориф, тибб, фарҳанг ва дигар соҳаҳои буҷавӣ маркази онҳо сари вақт  хизмат мерасад. 
 Дар нуҳ моҳи соли ҷорӣ  аз тарафи нуқтаҳои интиқолӣ аз ҳисоби  маблағҳои интиқоли  шаҳрвандон, ки  аз дохили ҷумҳурӣ ворид шудаанд,  209 ҳазору 610 сомонӣ  ба мардум хизмат расонида шуд, ки  нисбат ба соли гузашта 1,57%  зиёд мебошад.  Инчунин ҷалби  амонатҳо  аз шахсони ҳуқуқӣ  ва воқеӣ, ки  вазифаи асосии ҳар як корманди бонк мебошад,  дар   низоми бонкӣ  нақши муҳимро мебозад.  Аз ин лиҳоз  маблағҳои  ҷалбшудаи  амонатҳои  муҳлатноки  шахсони воқеӣ  ва ҳуқуқӣ   1млн. 471 ҳазору 983 сомонӣ  ва амонатҳои бурдноки «Иқбол»  24 ҳазору 4710  сомониро ташкил медиҳад, -хабар дод манбаъ.