Таҷлили Рӯзи Сарқонуни ҶТ дар ТАЛКО

Душанбе, 4 ноябр. (АМИТ «Ховар»,  Кристина  Эрлих).- Бо  ибтикори  роҳбарият  ва ҳайати  Корхонаи  воҳиди давлатии «Ширкати  алюминии Тоҷикистон»  имрӯз,  4  ноябр,   дар  корхонаи  мазкур  бахшида ба 19 – солагии  Рӯзи Сарқонуни Ҷумҳурии  Тоҷикистон  маҷлиси  ботантана  баргузор  гардида,  дар  анҷоми он  консерт  ва  тамошои  филмҳо  дар  бораи  Тоҷикистон  ва  фаъолияти  корхона  сурат  гирифт. 
 
Роҳбари  хадамоти  матбуоти Корхонаи  воҳиди давлатии «Ширкати  алюминии Тоҷикистон»   Саёҳат  Қодирова  зимни  сӯҳбат  бо  хабарнигори  АМИТ «Ховар»  зикр  намуд, ки Президенти  Ҷумҳурии  Тоҷикистон  Эмомалӣ  Раҳмон ба  муносибати  соли  1994 қабул  шудани Сарқонуни  ҶТ  қайд  намуд, ки  ин  ҳуҷҷати муҳими  халқи тоҷик   истиқлолияти   давлатии Тоҷикистонро  расман  эълон  намуда ва  заминаи  устувори  маҷмӯи  қонунгузории  кишварро гузошт. Қабули  Сарқонуни  Тоҷикистон  воқеаи ҳақиқатан  тақдирсози  таърихи  навини  давлати  мо  гардид,  ки  роҳу  тамоюлҳои  рушди  устувори Ватани  маҳбубамонро нишон  медиҳад.