Журналистон адолати судии ҷиноиро меомӯзанд

Душанбе, 18  ноябр. (АМИТ «Ховар», С. Солеҳ).-Дар ноҳияи Варзоб давраи кутоҳмуддати омӯзишӣ барои кормандони ВАО  таҳти унвони «Ҳуқуқи инсон дар низоми адолати судии ҷиноӣ» ҷараён дорад. Ин давра дар назар аст,  то панҷшанбе, 21 ноябр идома намояд. 
 Тазаккур бояд дод, ки давраи омӯзишӣ бо ибтикори Мактаби мустақили рӯзноманигории «Тоҷикистон- асри ХХ1» ба роҳ монда шудааст. То имрӯз  тренерхо Нигина Баҳриева,сарвари Бунёди ҷамъиятии «Нотабене» ва Сергей Раманов, роҳбари Ташкилоти ҷамъиятии «Маркази мустақили ҳифзи ҳуқуқи инсон» дар робита ба мавзуъҳои «Ҳуқуқи инсон чист?», «Механизмҳои байналмилалии ҳифзи ҳуқуқи инсон», «Ҳуқуқи инсон дар низоми адолати судии ҷинояти», «Ҳуқуқ ба дахолатпазирии шахсӣ», «Меъёрҳои байналмилалии ҳуқуқи инсон ба журналистон семинар- тренинг гузарониданд. Масъулини сохторҳои ҳифзи ҳуқуқ низ барои шарҳи мавзуъҳои мухталиф  ширкат мекунанд.