Қурби доллари ИМА бе тағйир боқӣ монд

Душанбе, 27 декабр. (АМИТ«Ховар», Лайло Қосимова). — Ҳафтаи ҷорӣ дар нуқтаҳои мубодилаи асъори ҷумҳурӣ қурби доллари ИМА бе тағйир боқӣ монда, ба ҳисоби миёна дар ҳудуди 4,9200-4,9350 сомонӣ қарор гирифт.  Дар ин миён қурбҳои миёнаи амалиёт бо рубли русӣ ва евро каме баланд шуда, мувофиқан ба 0,1486-0,1496 сомонӣ ва ба 6,6434-6,6657 сомонӣ баробар шуданд. Тавре ки аз хадамоти матбуоти Бонки миллии Тоҷикистон хабар доданд, 26 декабр қурби миёнаи доллари ИМА дар нуқтаҳои мубодилаи асъори ш. Душанбе 4,9200-4,9400 сомонӣ, ш. Хуҷанд 4,9200-4,9300 сомонӣ ва ш. Қурғонтеппа 4,9200-4,9400 сомониро ташкил дод.