Ҳаҷми маҳсулоти кишоварзии кишвар афзуд

Душанбе, 16 декабр. (АМИТ «Ховар», Екатерина Пасторова).- Мувофиқи маълумоти Вазорати кишоварзии ҶТ, тайи 11 моҳи соли ҷорӣ дар хоҷагиҳои кишвар ҳаҷми истеҳсоли маҳсулоти кишоварзӣ 15 миллиарду 32 миллион сомониро ташкил дод.Назар ба маълумоти Вазорати кишоварзии Ҷумҳурии Тоҷикистон, рақами зикршуда нисбат ба ҳамин давраи соли гузашта баробари 10,1 фоиз зиёд аст. Имсол маҳсулоти чорводорӣ афзуда ва 106,9 фоизро ташкил дод. Дар ин давра нишондодҳои соҳаи растанипарварӣ баробари 108,1 фоиз буданд. Ғайр аз ин, ҷамъоварии ғалла дар ҷумҳурӣ 1 миллиону 355 ҳазору 371 тоннаро ташкил дод, ки ин назар ба соли гузашта баробари 187 ҳазору 400 тонна зиёд аст.