Ҳамкориҳои муштараки ВКД ҶТ бо Вазорати бехатарии ҷамъиятии ҶМЧ

Душанбе, 17 декабр. (АМИТ «Ховар», Лутфия Эшонқулова).- Вазири корҳои дохилӣ Рамазон Раҳимов намояндагони Вазорати бехатарии ҷамъиятии Ҷумҳурии Мардумии Чинро бо роҳбарии сардори Раёсати мубориза бар зидди терроризми вазорати мазкур Ан Вейсин ба ҳузур пазируфт.Тавре ки сомонаи расмии ВКД хабар медиҳад, дар ҷараёни вохӯрӣ байни ҷонибҳо оид ба масоили ҳамкориҳои тарафайн баҳри пешгирӣ ва мубориза бар зидди ҷиноятҳои муташаккил, аз ҷумла, терроризм, экстремизм, гардиши ғайриқонунии маводи мухаддир ва тайёр намудани кадрҳои баландихтисос мубодилаи афкор сурат гирифт.Зикр гардид, ки чунин вохӯриҳо ба манфиати кор буда, баҳри ривоҷ ёфтани муносибатҳои дӯстона ва ҳамкориҳои муштарак имконияти бештаре фароҳам хоҳанд овард.Зимни вохӯрӣ тарафайн барои ҳамкориҳои мутақобилан судманд ба ҳамдигар изҳори миннатдорӣ намуда, зикр карданд, ки дар оянда низ чунин ҳамкориҳо тақвият хоҳанд ёфт.