Ҳавлиҳои сокинони пойтахт тафтиш мешавад

Душанбе, 3 декабр.(АМИТ «Ховар», Марзия Саидова).- Шаҳрдории Душанбе ба масъулини комиссияҳои доимӣ ва муваққатии Маҷлиси вакилони халқи шаҳри Душанбе дастур додааст, ки дар зарфи ду ҳафтаи оянда ҳавлиҳои сокинони пойтахтро тафтиш намоянд, то дар онҳо парвариш ва нигоҳдошти чорвои хонагӣ ошкор карда шавад.  Маҳмадсаид Убайдуллоев -раиси шаҳр дар ҷаласаи шаҳрдорӣ гуфтааст, ки ин раванд, яъне тафтиши манзилу ҳавлиҳои сокинони пойтахт дар мавриди парвариш ва нигоҳдошти чорво бояд тавассути шабакаи телевизиони «Пойтахт» муфассал инъикос гардида, нисбат ба шахсони хилофкор аз ҷониби мақомоти марбутаи ҳифзи ҳуқуқи шаҳр чораҳои қатъӣ андешида шавад.