Ҷамъомади намояндагони ВАО дар Туркия

Анқара, 23 декабр. (АМИТ «Ховар», Фарангис Раҳимова).- Чанде пеш дар шаҳри Эскишеҳири Туркия ҷамъомади намояндагони васоити ахбори оммаи 26 кишвари ҷаҳон анҷом ёфт. Дар ин чорабинӣ аз ҷониби Тоҷикистон журналистони АМИТ «Ховар», Муассисаи давлатии телевизиони «Сафина», Муассисаи давлатии телевизиони «Баҳористон», ҳамчунин намояндагони Иттифоқи синамогарони Тоҷикистон ширкат доштанд. Мазмуни асосии суханронии нотиқони ҷамъомад иборат аз ҳамкорӣ ва муттаҳидии журналистони ҳамаи давлатҳои туркзабон буд. Иштирокдорони ҷамъомад перомуни фаъолияти созмонҳояшон сухан ронда, аз ҷумла, намояндаи АМИТ «Ховар» дар Туркия дар бораи васоити ахбори оммаи Тоҷикистон нақл карданд.Аз рӯи натиҷаи ҷамъомад эъломия қабул шуд, ки он ташкили сомонаи умумӣ ва шӯрои васоити ахбори оммаи кишварҳои туркзабонро пешбинӣ менамояд. Ба шӯрои мазкур 150 нафар намояндагони матбуот дохил мешаванд. Тарҷумон – Шарифов М.