Амалиёти навбатии БДА Хатлон

Қӯрғонтеппа, 24 декабр. (АМИТ «Ховар», Мурод Сотиев).- Бозрасии давлатии автомобилии вилояти Хатлон аз 20 то 30 декабр амалиёти «Пиёдагард» — ро роҳандозӣ менамояд. Назар ба хабари нозири калони гуруҳи ташвиқу тарғиби Бозрасии давлатии автомобилии вилояти Хатлон Ёрмаҳмад Давлатов, дар ҷараёни амалиёт корҳои тавзеҳотӣ байни аҳолӣ анҷом дода, дар донишкадаю коллективҳои меҳнатӣ вохӯриҳо ташкил карда мешаванд. Мувофиқи суханони номбурда. мақсад аз чунин чорабиниҳо коҳиш додани садамаҳои нақлиётӣ бо иштироки пиёдагардҳо мебошад.Мувофиқи маълумоти Бозрасии давлатии автомобили вилояти Хатлон, аз оғози сол дар роҳҳои вилоят бо иштироки пиёдагардҳо 115 садамаи нақлиётӣ рух дода, бар асари онҳо 32 нафар ҳалок гардида ва 99 нафар ҷароҳатҳои гуногун бардоштаанд.