Боздиди Қоҳир Расулзода аз корхонаи сементи пойтахт

Душанбе, 27 декабр. (АМИТ «Ховар», Фарзона Ашӯрмадова).-Имрӯз Сарвазири Ҷумҳурии Тоҷикистон Қоҳир Расулзода бо фаъолияти корхонаи сементи шаҳри Душанбе шинос шуд.Аснои боздид иттилоъ дода шуд, ки дар айни замон корхонаи мазкур тавассути ангиштсанг бо иқтидори истеҳсолии 500 тонна семент дар як шабонарӯз фаъолият карда, корҳо барои ба истифода додани навбати дуюми корхонаи мазкур аз тариқи фаъолият бо ангиштсанг бо вусъат идома доранд.Ҳоло таҷҳизоти зарурии корхонаи семент барои навбати дуюм пурра дастрас гардида, тибқи нақша навбати дуюм даҳаи дуюми моҳи январи соли 2014-ум ба кор дароварда мешавад.Дар сурати ба кор андохтани навбати дуюми корхона аз тариқи фаъолият бо ангиштсанг иқтидори он ба беш аз сесад ҳазор тонна дар давоми сол расонида хоҳад шуд. Сарвазири мамлакат Қоҳир Расулзода барои таъмин ва захираи ангиштсанг, дар муҳлати пешбинишуда ба кор андохтани навбати дуюми корхона, ҷалби мутахассиони ботаҷриба, афзун намудани иқтидори истеҳсолӣ ва беҳтар гардонидани сифати маҳсулоти истеҳсолшаванда ба роҳбарияти Вазорати саноат ва технологияҳои нави ҷумҳурӣ ва роҳбарияти корхона дастуру супоришҳои дахлдор дод.