Чораҳои пешгирӣ аз сӯхтор дар Иди Cоли Нав

Душанбе, 11 декабр. (АМИТ «Ховар», Лутфия Эшонқулова).-Имрӯзҳо кормандони Хадамоти давлатии оташнишонии Вазорати корҳои дохилӣ кӯшиш ба харҷ дода истодаанд, ки таъмини бехатарии зиддисӯхторро дар маросимҳои солинавӣ таъмин намоянд. Бояд гуфт, ки кормандони мақомоти мазкур дар боғчаҳову муассисаҳои таълимӣ ва дар маҳалҳои зист оид ба риояи қонуну қоидаҳои бехатарии зиддисӯхторӣ вохӯриҳо гузаронида, баҳри ошкор ва мусодира кардани маводи таркандаи пиротехникӣ саҳм мегузоранд.Бинобар иттилои подполковники хизмати дохилӣ, корманди СХДО ВКД ҶТ Кароматулло Абдуллоев, барои он, ки дар чунин рӯзҳои хурсандӣ ҳодисаҳои нохуш рӯй надиҳанд, бояд ҳар яки мо ба қоидаҳои бехатарии зиддисӯхтор ҳангоми гузоштан ва ороиш додани арча риоя намоем. Арчаи солинавӣ дар ҷойҳои ҷамъиятӣ бояд дар ошёнаи якум ва ё дар саҳни ҳавлии назди бино гузошта шавад.Ҳангоми рӯй додани сӯхтор ва ё зоҳир гардидани нишонаҳои он ҳатман ба телефони «01» (аз телефонҳои мобилӣ «101») ба хадамоти оташнишонӣ хабар додан зарур аст.