«Дастрасӣ ба манзили арзанда дар Тоҷикистон»-семинар

Кӯлоб, 23 декабр. (АМИТ «Ховар», Ф.Мадаминов).- 20 декабри соли ҷорӣ дар ҳукумати шаҳри Кӯлоб бо ташаббуси Раёсати Комиссари Олии СММ оид ба ҳуқуқи инсон, шуъбаи кафолатҳои ҳуқуқи шаҳрвандони дастгоҳи иҷроияи Президенти Ҷумҳурии Тоҷикистон, Ваколатдор оид ба ҳуқуқи инсон дар ҶТ бо иштироки Ваколатдор оид ба ҳуқуқи инсон дар ҷумҳурӣ Зариф Ализода ва дигар шахсони расмӣ дар мавзӯи «Дастрасӣ ба манзили арзанда дар ҶТ» семинар барпо гардид. Мақсади асосии семинар аз баланд бардоштани дониши кормандони мақомоти маҳаллии ҳокимияти давлатӣ оид ба ҳуқуқи шаҳрвандон ба манзил ва дар амал татбиқ намудани меъёрҳои байналмиллалӣ ва қонунгузории миллӣ иборат буд.