«Эсхата» — бонки фаъолтарин

Душанбе, 5 декабр. (АМИТ «Ховар», Фарзона Достонзода).- Дар шаҳри Душанбе конфронс дар мавзӯи «Имрӯзу фардои иттилооти молиявӣ» баргузор гардид, ки дар он намояндагони бахши бонкҳои Тоҷикистон ширкат доштанд. Тавре ки аз бонки «Эсхата» хабар доданд, намояндагии бонкро дар конфронс иқтисодчии калон Акбар Мамадҷонов ва иқтисодчии пешбурд Парвиз Носиров ба ӯҳда доштанд. Дар конфронс менеҷерҳои ширкати «Томсон Рейтерс» натиҷаи фаъолият дар соли 2013 – ро ҷамъбаст намуда, аз қарорҳои мавҷуда ва дурнамои рушди технологияҳо барои доду гирифти асъор, таҳлили иттилоот ва қабули қарорҳо нақл карданд. Зикр шуд, ки бонки «Эсхата» дар соли 2013 ҳаҷми доду гирифти асъорро нисбат ба соли 2012 баробари 50 фоиз афзун намуда, бо назардошти ин бонки фаъолтарини Тоҷикистон дар ин бахш дониста шуд.