Интишори гузориши «Вазъи иҷтимоию иқтисодии ҶТ»

Душанбе, 18 декабр. (АМИТ «Ховар», Кристина Эрлих).- Гузориши «Вазъи иҷтимоию иқтисодии ҶТ» тайи моҳҳои январ — ноябри соли 2013 аз чоп баромад. Дар ин бора аз маркази матбуоти Агентии омори назди Президенти Ҷумҳурии Тоҷикистон ба АМИТ «Ховар» хабар доданд.Мувофиқи суханони манбаъ, нашрияи ҳармоҳаи Агентии омори назди Президенти Чумҳурии Тоҷикистон маълумоти таъҷилӣ дар бораи вазъи иҷтимоию иқтисодии кишвар, ниҳодҳои Ҷумҳурии Тоҷикистон, соҳаю бахшҳои иқтисодиёт тайи моҳи охир ба давраи аз оғози солро дар бар мегирад.Дар гузориш суръати афзоиши нишондодҳои иҷтимоию иқтисодӣ аз рӯи моҳҳои соли ҷорӣ ва соли гузашта зикр ёфтааст. Гузоришро агентии мазкур дар асоси маълумоти мақомоти омори давлатии вазорату идораҳои Ҷумҳурии Тоҷикистон таҳия месозад. Дар гузориш маълумоти муфассал аз рӯи соҳаҳои муҳимтарини истеҳсолот, нақлиёт, алоқа, равобити иқтисодии хориҷӣ, бозори истеъмолӣ, нарх, молия, бозори меҳнат, сатҳи зиндагии аҳолӣ, вазъи демографӣ ва нишондодҳои дигар зикр ёфтааст.