Мукаммалгардонии хизматрасониҳои офиятбахшӣ бо кӯмаки Ҷопон

Душанбе, 12 декабр.(АМИТ «Ховар», Фарзона Достонзода).-17-уми декабри соли 2013 Ассотсиатсияи Кӯмак ва Дастгирӣ (АКД)-и Ҷопон дар ҳамкорӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон лоиҳаи худро бо номи «Мукаммалгардонии хизматрасониҳои офиятбахшӣ барои шахсони маҳдудиятдошта» дар Тоҷикистон ба итмом мерасонад.  Тавре ки ба АМИТ «Ховар» аз Сафорати Ҷопон иттилоъ доданд, маблағгузории ин лоиҳа аз тарафи ҳукумати Ҷопон ба миқдори 616 ҳазору 860 доллар дастгирӣ шудааст. Лоиҳа дорои се қисмат, навсозии бинои кӯҳна дар Ваҳдат, гузарондани семинарҳо барои кормандони тиббии маркази барқароркунӣ дар Ваҳдат ва беморхонаи Хуҷанд, таъмин намудани ёрии техникӣ барои сехи «Дилшод» дар Вахш мебошад.Бо ин фаъолияташ АКД Ҷопон маркази барқароркунии саломатӣ ва беморхонаро бо 120 аробачаи маъюбӣ ва 30 маводи барқароркунӣ таъмин намудааст.