Мулоқоти Шариф Раҳимзода бо Ризонур Мерал

Анқара, 9 декабр. (АМИТ «Ховар», Фарангис Раҳимова). –Вохўрии вазири рушди иқтисод ва савдои Тоҷикистон Шариф Раҳимзода бо Президенти конфедератсияи соҳибкорон ва саноатчиёни Туркия (TUSKON) Ризонур Мерал ва аъзои он дар шаҳри Истанбул баргузор гардид.Тавре ки ба мухбири махсуси АМИТ «Ховар» аз сафорати Ҷумҳурии Тоҷикистон дар Ҷумҳурии Туркия хабар доданд, зимни мулоқот ҷонибҳо роҷеъ ба лоиҳаҳои сармоягузорӣ дар соҳаҳои гидроэнергетикӣ, коркарди маъдан, саноати бофандагӣ, кишоварзӣ ва бунёди корхонаҳои муштарак суҳбат намуданд.Дар охири мулоқот намояндагони конфедератсия қарор доданд, ки соли оянда ҷиҳати шиносоӣ бо фазо ва лоиҳаҳо сармоягузорӣ ба Тоҷикистон сафар кунанд. Конфедератсияи соҳибкорон ва саноатчиёни Туркия (TUSKON) –ин бузургтарин ташкилоти ҷамъиятии ғайритиҷоратии Туркия буда, 7 федератсияи тиҷоратӣ ва 172 анҷумани тоҷиронро дар бар мегирад. TUSKON 43,000 тоҷирон ва зиёда аз 120,000 ширкатҳоро ташкил додааст.