Муъминобод: мактабҳои ноҳия ба зимистонгузаронӣ омодаанд

Муъминобод, 26 декабр. (АМИТ «Ховар», С. Холов).-Иқлими ноҳияи Муъминобод чун ноҳияҳои Ховалингу Шӯрообод ва Балҷувон нисбат ба дигар ноҳияҳои минтақаи Кӯлоб сардтар мебошад ва дар ин ноҳияҳо ба маъракаи зимистонгузаронӣ омодагии хуб дидаанд. Ҳамаи муассисаҳои таълимии ноҳия бо ангишту ҳезум таъминанд. Дар айни ҳол панҷ мактаби ноҳия, ки дар марказ ҷойгиранд, ба хатти барқ пайваст гардида, дар ҳамаи синфхонаҳо ва утоқҳои корӣ печҳои гармидиҳандаи барқӣ гузошта шудаанд. Мақомоти иҷроияи ҳокимияти давлатӣ ва шуъбаи маорифи ноҳияи Муъминобод мақсад доранд дар оянда низ аз тариқи шартнома бо хоҷагии чангал ва конҳои ангишти кишвар маводи сӯхтро сари вақт захира намоянд.