Мусодираи 62 кило бангдона

Душанбе, 23 декабр. (АМИТ «Ховар», Лутфия Эшонкулова).-Дар ҷануби кишвар кормандони ҳифзи ҳуқуқ зиёда аз 62 кило маводи нашъадор мусодира намуданд.Тавре ки сомонаи расмии ВКД хабар медиҳад, дар вақти гузаронидани чораҳои фаврию ҷустуҷӯӣ, аз ҷониби кормандони қисми минтақавии РВКД вилояти Хатлон оид ба гуруҳи ноҳияҳои Кӯлоб бо гумони даст доштан дар гардиши ғайриқонунии маводи мухаддир шаҳрванд Муҳаммадҷон Розиқов, соли таваллудаш 1976, сокини шаҳри Кӯлоб дастгир шуд. Ҳангоми азназаргузаронии ҳавлии истиқоматии ӯ дар дохили 4 адад пакети селофанӣ маводи нашъадори бангдона дарёфт ва мусодира шуд, ки вазни умумии он 62 килою 80 граммро ташкил медиҳад. Аз рӯи ин ҳодиса бо моддаи 200, қисми 4 Кодекси ҷиноии Ҷумҳурии Тоҷикистон парвандаи ҷиноӣ оғоз гардида, тафтиши пешакӣ идома дорад.