Мусодираи лавозимоти ҳарбӣ ва маводи мухаддир
Душанбе, 23 декабр. (АМИТ «Ховар», Лутфия Эшонқулова).- Дар натиҷаи амалиёти муваффақонаи кормандони Агентии назорати маводи нашъаовари назди президенти ҶТ дар ҳудуди кишвар кӯшиши аз Афғонистон ба Тоҷикистон ворид намудани маводи нашъаовар ҷилавгирӣ шуда, миқдори зиёди маводи нашъаовар ва лавозимоти ҳарбӣ мусодира гардид. Назар ба хабари маркази матбуоти Агентии назорати маводи нашъаовар амалиёти якум дар ҳудуди шаҳри Душанбе бо истифода, аз усули «хариди назоратӣ» роҳандозӣ гардида, дар ҷараёни он 2 килограмм тарёк мусодира гардид.Амалиёти дигар дар ноҳияи Шӯроободи вилояти Хатлон сурат гирифта, дар натиҷаи он беш аз 91 килограмм канабис, 1 норинҷаки дастӣ ва тирҳои автомати Калашников мусодира гардиданд. Дар ҷараёни амалиёт як шаҳрванди 39 – солаи ҶТ дастгир шуд. Аз рӯи ин ҳордисаҳо парвандаҳои ҷиноӣ кушода, тафтишот идома доранд. Ҳамзамон барои дастгир намудани ҳамаи иштирокдорони ин ҷинояткориҳо чораҳои зарурӣ дида мешаванд. Тарҷумон – Шарифов М.








9 феврал дар якчанд идораю корхона нишасти матбуотӣ баргузор мегардад
Оид ба тағйирёбии иқлим ва стратегияҳои мутобиқшавӣ дар Осиёи Марказӣ конференсияи байналмилалӣ доир мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд






