Раддияи Ҳокимшо Шарифов

Душанбе, 10 декабр. (АМИТ «Ховар», Екатерина Пасторова).- Чанде пеш дар васоити ахбори омма хабаре дар мавриди оғози сохтмони биноҳои 24 — ошёнаи осмонхарош дар маркази пойтахт дарҷ шуда буд. Дар робита бо ин, ҳукуматдорони расмии пойтахти Тоҷикистон ин хабарро рад мекунанд. Тавре ки муовини раиси шаҳри Душанбе оид ба сохтмон Ҳокимшо Шарифов зимни мусоҳиба ба АМИТ «Ховар» хабар дод, барои бунёди биноҳои 24 – ошёна дар шаҳри Душанбе иҷозати расмӣ нашуда буд. «Ман медонам, ки масъалаи чунин сохтмонҳо бо ягон намояндагони расмии ҳокимияти шаҳр ва Раёсати меъмории шаҳр мувофиқа нашудааст. Биноан, ин хабарро метавон фақат овозаи бардурӯғ донист», — гуфт Ҳокимшо Шарифов.Номбурда ҳамчунин зикр намуд, ки сохтмони биноҳои осмонхарош, аз ҷумла биноҳои 24 — ошёна дар пойтахт имконпазир аст, вале на дар мавриди ҳозира.