Тими Сафорати Тоҷикистон ғолиби мусобиқа шуд

Душанбе, 6 декабр. (АМИТ «Ховар»).- Тими Сафорати Ҷумҳурии Тоҷикистон дар Ҷумҳурии Туркия дар мусобиқоти боулинг, ки ба муносибати Рӯзи Сарқонуни Ҷумҳурии Ӯзбекистон доир гардид, ҷойи аввалро ишғол намуд. Дар ин бора ба АМИТ «Ховар» аз Сафорати Ҷумҳурии Тоҷикистон дар Ҷумҳури Туркия хабар доданд.Дар мусобиқа намояндагон аз 20 сафорати кишварҳои хориҷии муқими Анқара ширкат варзиданд. Бояд зикр намуд, ки фаъолияти варзишӣ ҷанбаи фарҳангии ҳар як миллат мебошад ва чунин мусобиқаҳо на танҳо чорабиниҳои фарҳангӣ маҳсуб мешаванд, балки заминаи муносибе барои иртибот миёни шахсиятҳое мебошад, ки бо масоили байналмилалӣ сарукор доранд ва дар ин росто намояндагони Сафорати Ҷумҳурии Тоҷикистон дар Туркия саҳми худро дар таҳкими робитаҳои дӯстона миёни кишварҳо мегузоранд.