Ярмаркаҳои фурӯши маҳсулот ба ифтихори Соли Нав

Душанбе, 16 декабр. (АМИТ «Ховар», Екатерина Пасторова).- Назар ба хабари дафтари матбуоти маъмурияти пойтахт, аз 28 то 30 декабр дар бозорҳои шаҳри Душанбе ярмаркаҳои фурӯши маҳсулоти кишоварзӣ бо нархи арзон доир мегарданд.Ғайр аз ин маъмурияти пойтахт ҳомиҳо ва сохторҳои шахсию давлатиро даъват намуд, ки ба эҳтиёҷмандон дасти ёрӣ дароз кунанд. Дар робита бо ин, чанде пеш мансабдорони пойтахт аз хонаҳои кӯдакони рақами 1 ва 2 – и пойтахт дидор намуданд. «Соли Нав иди дӯстдоштаи мост. Бинобар ин даъват менамоем, ки ба собиқадорони ҷангу меҳнат, интернатҳо ва кӯдакони ятим кӯмак расонида шавад. Маъмурияти пойтахт дар навбати худ дар ин маърака фаъолона иштирок менамояд ва мо кӯшиш мекунем, ки иди солинавиро боз ҳам зеботару гуворотар гардонем», — гуфт зимни сӯҳбат бо хабарнигори АМИТ «Ховар» муовини раиси шаҳр Санавбар Раҳимова.