2911 адад шикояти шаҳрвандон ба Суди Олӣ

Душанбе, 21 январ. (АМИТ «Ховар», Лайло Қосимова).- Ба Суди Олӣ дар соли 2013 — 2911 адад арзу шикояти шаҳрвандон ворид гардид, ки нисбат ба соли 2012 -233 адад ё 8 фоиз зиёд мебошад. Ин нукта 21 январ дар нишасти матбуотии Суди Олии Ҷумҳурии Тоҷикистон таъкид гардид.   Тавре ки раиси Суди Олии ҶТ Нусратулло Абдуллоев зикр дошт, аз миқдори умумии шикоятҳо 2749 ё 94 фоиз аз тариқи омӯзиши 1311 парванда ҳал гардид. Аз ин миқдор 1159 шикоят ба парвандаҳои гражданӣ, 445 ба парвандаҳои оилавӣ, 1085 шикоят марбут ба парвандаҳои ҷиноятӣ ва 60 шикоят вобаста ба парвандаҳои ҳуқуқвайронкунии маъмурӣ буданд.