Дар пойтахт бинои 30 – ошёнаи Хадамоти алоқа бунёд мешавад

Душанбе, 9 январ. (АМИТ «Ховар», Екатерина Пасторова).- Дар маҳалли бинои Почтамти асосии аз байн бурдашудаи шаҳри Душанбе барои ҳамаи ниҳодҳои Хадамоти алоқаи ҶТ, «Тоҷиктелеком» ва Почтаи асосӣ бинои 30 – ошёна бунёд мегардад. Дар ин бора сардори Раёсати иттилооти интернет – провайдери миллии «Тоҷиктелеком» Алибек Бекназаров ба АМИТ «Ховар» хабар дод.Мувофиқи суханони номбурда, лоиҳаи сохтмони бинои зикршуда фақат аз ҳисоби маблағҳои Хадамоти алоқаи ҶТ дар амал татбиқ мегардад. Муаллифони бинои нав мутахассисони кишвар, Русия, Олмон ва мутахассисони дигар мебошанд. «То имрӯз ин бинои баландтарини пойтахт ба шумор меравад», — гуфт Алибек Бекназаров. Бинои 30 – ошёна баъди чор сол мавриди истифода қарор мегирад.