Давраҳои омӯзишӣ дар Маркази миллии тестӣ

Хоруғ, 31.01.2014. (АМИТ «Ховар», Файз Мирасан).- Вазорати маориф ва илми Ҷумҳурии Тоҷикистон дар ҳамбастагӣ бо Муассисаи Давлатии «Маркази миллии тестӣ» дар шаҳру навоҳии ВМКБ давраҳои омӯзишӣ баргузор кард.  Дар ин давраҳои омузишӣ, ки дар Литсейи Оғохон баргузор гардиданд, ҷонишинони директор ва омӯзгорони синфҳои болоии шаҳри Хоруғ ширкат доштанд. Ҳадафи асосӣ омода намудани тренер –омӯзгор ва ба низомҳои нави имтихонгирӣ шинос намудани омӯзгорони мактабҳои шаҳру навоҳии вилоят мебошад. Юсуф Ҳасанбеков, намояндаи Раёсати маорифи вилоят ва яке аз масъулини татбиқи низомномаи нави имтиҳонгирӣ дар вилоят гуфт, ки ин марҳилаи ниҳоии давраи омӯзишӣ буд ва баъди як моҳ- аз якуми марти соли равон хонандагон ба инхоби касби ояндаи худ машғул хоҳанд шуд. Қабл аз ҳама хатмкунандагон бояд донанд. ки хуҷҷатҳои худро ба кадом муассисаи олии кишвар месупоранд ва таҳсилро бо кадом забон идома медиҳанд. Онҳое, ки ин курсҳоро хатм кардаанд, дар навбати худ бояд бо волидони хонандагони синфҳои болоӣ суҳбату вохӯриҳо баргузор кунанд ва бо низоми нави имтиҳонсупорӣ дар муассисаҳои олӣ онҳоро аз наздик шинос намоянд.