Хизматрасонӣ ба нафақагирон дар Муъминобод

Муъминобод, 13 январ. (АМИТ «Ховар», С. Холов).- Ба иттилои сардори раёсати Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон дар ноҳияи Муъминобод Хайрулло Бозоров шумораи нафақагирон дар ноҳия зиёда аз 6272 нафарро ташкил медиҳад, ки аз ин шумора 3355 нафарашон нафақагирони пиронсоланд. Ба гуфтаи манбаъ талаботи нафақа дар дар соли сипаригардида 14 млн. 421ҳазору 500 сомонӣ буд, ки он аз тарафи раёсат пурра маблағгузорӣ гардид. Маъюбон ва иштирокчиёни ҶБВ таҳти назорати қатъии кормандони раёсат қарор дошта, ба онҳо сари вақт хизмат расонида мешавад. Дар давоми соли сипаригардида аз тарафи мутахассисони раёсат 102 санҷиш оид ба ҳисоби дурусти хароҷот аз ҳисоби маблағҳои суғуртаи иҷтимоӣ гузаронида шуда, ба буҷа 3737 сомонӣ маблағ ворид карда шуд.